11+ – The Little Red Shop

Meelon en die Haumeaanse Kloon (5de boek)

Lizel Ferreira — Wed, 08 Feb 2017 12:24:55 +0000

Andries en sy ouma is op pad terug Aarde toe, wanneer hulle 'n verstekeling in die ruimtetuig opspoor... Wanneer hulle dan per ongeluk van koers af gaan en op die planeet Gliese neerstort, moet Meelon hulle kom help. Maar nou is daar nie meer genoeg brandstof om hulle terug op die Aarde te kry nie...

Operasie Gebakte Pere

Lizel Ferreira — Mon, 23 Jan 2017 11:39:11 +0000

Tiano se ma is 'n sepie-ster, en sy pa 'n beroemde sjef. Die paparazzi volg hulle oral. So toe Tiano se liefdadigheidsprojek, OPERASIE GEBAKTE PERE, skeefloop en 'n klomp mense siek maak, weet hy sommer die storie gaan die voorblad haal. Behalwe as hy dit kan keer... In 'n desperate poging om sy fout reg te stel, probeer Tiano en Oom Sampie, die restaurant se kok, om die geheime bestanddeel op te spoor. Maar dis nie so maklik as 'n nuuskierige joernalis met 'n kamera jou oral volg nie! OPERASIE GEBAKTE PERE is 'n lekkerlees, moderne jeugboek uit die pen van Anna Emm se nuutste skrywer, Hettie du Plessis. Illustrasies deur E. Lanie.

Kies jou eie Avontuur – Nag van die seerowers

Lizel Ferreira — Mon, 23 Jan 2017 11:12:18 +0000

Hierdie boeke is nie soos ander boeke wat jy al gelees het nie... Jy kan dit nie van voor tot agter deurlees nie. Elke boek is vol raaisels en geheime, ompaaie en doodloopstrate ... en jy, die leser, moet jou pad daardeur vind! Daar is meer as 40 verskillende eindes, en meer as 95 keuses wat jy moet maak. Jy kan oor en oor na die begin terugblaai en weer begin. Maar wees gewaarsku. Die avontuur is gevaarlik! Kies versigtig... Nag van die seerowers: Wanneer jy en jou sussie, Nadia, na die hawe gaan om julle oom en tannie op 'n luukse passsasierskip af te sien, vermoed julle onraad. Die skip behoort aan 'n gevaarlike seerower, Jack die wreedaard, en hy is van plan om die gaste aan boord te beroof! Jy en Nadia moet hom keer, en die gaste betyds waarsku. Maar wie sal julle glo?

Brul!

Lizel Ferreira — Thu, 01 Dec 2016 17:15:53 +0000

Mac en Sasha kamp saam met hulle ouers in 'n wildpark in die Bosveld. Maar iets vreemds is aan die gang... Waarheen verdwyn al die blikkies groen koeldrank so geheimsinnig? Wanneer Mac en Sasha besluit om ondersoek in te stel, krap hulle 'n baie gróter storie oop... Een wat 'n ondergrondse tonnel, twee eienaardige wilddiewe en regte egte leeus insluit! En dan is daar die vreemde groen konkoksie wat jou stem kan verander, wat jou soos 'n regte leeu kan laat BRUL...!

Kaptein Ressiv

Lizel Ferreira — Wed, 30 Nov 2016 12:07:25 +0000

Wanneer Liam saam met sy ouers langs die Vaaldam vakansie hou, ontmoet hy die eienaardige Kaptein Ressiv, 'n wannabe-seerower wat met sy skuit op die dam rondvaar. Niemand steur hulle aan Kaptein Ressiv se stories nie. Almal vermoed hy het nie al sy varkies bymekaar nie... Maar dan beland Liam op 'n dag saam met die kaptein in 'n vreemde maalkolk in die middel van die Vaaldam, en toe hulle anderkant uitkom, wag daar seerowers - règte seerowers! En die spulletjie is glad nie vriendelik nie...

Sandart Homekit

Lizel Ferreira — Mon, 28 Nov 2016 12:09:28 +0000

HOW DO I MAKE MY SANDART PICTURE?

The adhesive is already on the pre-cut board which means No Gluing and No Mess. Just peel the picture in stages, sprinkle on coloured sand and youíre done. A perfect picture!

PEEL

Start in the middle of the picture and slowly peel off the first area. Take care not to lift adjoining areas.

POUR

Now choose a colour and pour it over the adhesive area. Turn the card over and tap it on the back to remove the excess sand. Repeat the pouring process on the same area to obtain a darker shade.

PERFECT

Peel off the next area. Pour a different colour and repeat the motion until the image is completely peeled off and coloured.

CONGRATULATIONS

You are a Sand Artist! You can now make a sandart greeting card and send it to someone special. Please see instructions on how to laminate and make your greeting card.

Oor ‘n motorfiets, ‘n zombiefliek en lang getalle wat deur elf gedeel kan word

Lizel Ferreira — Fri, 14 Oct 2016 11:57:20 +0000

Martin Retief se hele lewe verander toe sy pa een middag stilhou om aandete te koop. Maar dan ontmoet Martin vir Drikus. Drikus wat aan ’n siekte ly en sy eie zombiefliek wil maak. Wat volg is ’n avontuur vol skouhoenders, skelms, mooi meisies, wiskunde, kammabloed en zombies.

My hart is vol graffiti

Lizel Ferreira — Mon, 29 Aug 2016 13:06:52 +0000

Lara het die perfekte ou. Michael bring gereeld vir haar blomme skool toe. Sy glimlag sal enige tandarts laat straal van trots. En almal voorspel hy gaan oor twee jaar hoofseun wees. Die enigste meisie in die skool wat nie van hom hou nie, is haar beste vriendin, Vanessa. Maar dan moet Lara en Vanessa ’n artikel vir ’n tienertydskrif skryf. Die onderwerp is: Graffiti: kuns of krimineel? En hulle paaie kruis met dié van ’n regte graffitikunstenaar wat hulle aan ’n opwindende, geheimsinnige skemerwêreld bekend stel. Skielik is Lara in twee geskeur. Aan die een kant is daar Lara-wat-nooit-die-skoolreëls-oortree nie-en-altyd-’n-A-kry. En aan die ander kant is daar Lara-wat-net-een-keer-wil-voel-hoe-dit-voel-om-op-’n-skateboard-te-ry-of-skelmpies-’n-gebou-met-spuitverf-te-bespuit...

Duskant die doodlyn

Lizel Ferreira — Thu, 25 Aug 2016 11:11:23 +0000

Duskant die doodlyn verskyn nou met ’n splinternuwe baadjie! Jong rugby-entoesiaste van 10 jaar en ouer sal gaande wees oor Werner en sy avonture. Werner en sy vriende lééf vir rugby. Hierdie jaar is hulle vasbeslote om hulle aartsvyande ‘n ding of twee op die rugbyveld te wys. Maar iets is verkeerd. Wie is die geheimsinnige man wat snags by die skool rondsluip? En hoekom lyk dit of iemand sy mes inhet vir Werner-hulle se rugbyafrigter? Dit begin al hoe meer lyk of iemand nie volgens die reëls speel nie en Werner-hulle beland in groot gevaar…

My eerste atlas: ‘n Wêreldatlas vol asemrowende feite

Lizel Ferreira — Thu, 25 Aug 2016 09:39:53 +0000

In watter land kan jy ongeveer 700 verskillende tale hoor? Waar ry die ministers soms met fietse parlement toe? Watter land is so groot dat dit sewe dae per trein neem om van oos na wes te ry? In watter Suid-Afrikaanse dorp het die polisie op kamele gery? Watter provinsie in Suid-Afrika is die grootste? Verken die wêreld met hierdie prettige volkleur-atlas! Propvol fantastiese feite oor al die vastelande, en oor Suid-Afrika en sy nege provinsies. EKSTRA! Muurkaart van Suid-Afrika.

My eerste soen en ander dinge

Lizel Ferreira — Thu, 25 Aug 2016 09:23:03 +0000

Oukei, ek is nie ’n kenner op dié gebied nie, maar daar is darem ’n paar dinge wat ek van soen af weet. Soos: Jou eerste soen is nie veronderstel om jou pens en pootjies binne-in ’n winkelsentrum se fontein te laat beland nie. Reza dink partykeer Murphy se Wet is spesiaal vir haar uitgedink. Daardie wet wat sê as iets verkeerd kan gaan, dan sal dit. In haar gunstelingskrywer se boeke het sulke rooigesig-oomblikke altyd romantiese gevolge, maar in die regte lewe werk dinge ongelukkig anders. In die regte lewe begin daar nie romantiese musiek speel as ’n ou jou soen nie. In die regte lewe verander ’n soen nie alle paddas in prinse nie.

Deur die Digitale Orbis

Lizel Ferreira — Thu, 11 Aug 2016 12:44:25 +0000

Miek en Ris se pa is besig om 'n vreemde rekenaarprogram te ontwikkel - 'n Digitale Orbis waarmee mens na enige plek en tyd deur die internet kan reis. Maar die program is nog nie klaar nie. Dit gee probleme... En toe Miek se rekenaarspeletjie en Ris se geskiedenistaak met die program deurmekaar raak, beland 'n donker figuur met 'n bose plan in Antieke Rome. Nou moet die kinders hom gaan keer voordat hy die wêreld oorneem! Maar om dit te doen, moet hulle agter hom aan deur die Digitale Orbis, en as hulle nie binne vyf uur weer uitkom nie, kan hulle vir altyd in die internet vassit.