Books for Teens – The Little Red Shop

Nova Sterreloper

Lizel Ferreira — Wed, 02 Mar 2022 06:46:44 +0000

Nova Bloedbroers

Lizel Ferreira — Wed, 02 Mar 2022 06:44:04 +0000

As ek Val

Lizel Ferreira — Fri, 25 Feb 2022 12:42:47 +0000

Ek gaan nooit weer skool toe nie.
Ek gaan nooit beroemd word of enige iets waardevol doen nie.
Ek sal nooit universiteit toe gaan of n werk kry nie.
Ek gaan nie my boetie sien grootword nie.
6. 7.

Kara is besig om dood te gaan

Die perfekte Brander en ander verhale

Lizel Ferreira — Fri, 25 Feb 2022 12:27:05 +0000

Saamgestel deur: Adinda Vermaal en Marieta Nel

Nova Eindspel met Fanie Vljoen

Lizel Ferreira — Fri, 25 Feb 2022 10:34:59 +0000

Wie sal die sterkste wees? Die lig of die donker?

Lucas Niemand keer terug na Nova. Maar dan kom die skok: Sy vriende onthou glad nie meer van hulle spesiale kragte nie. Die Eindspel het reed begin, besef Lucas.

Maar sal hy uit die kloue van die donker ruimtewesens kan bly? Watter geheim dra Troy in hom? Waar kan die drie nuwe alien-tieners vandaan en wat wil hulle van Lucas he? Hoekom vind Lucas nou van die Slaper uit – iemand wat nie is wie hy voorgee om te wees nie? Maar die belangrikste van al die vrae: Sal Lucas Niemand die skrikwekkende Eindspel oorleef…?

Al die meisies hou van Divan Louw

Lizel Ferreira — Fri, 25 Feb 2022 10:20:19 +0000

Om Divan Louw aantreklik te noem, is soos om te se Mount Everest is hoog of Antarktika is koud – dis waar, maar dit vertel nie naastenby die hele storie nie.

Meelon en die Haumeaanse Kloon (5de boek)

Lizel Ferreira — Wed, 08 Feb 2017 12:24:55 +0000

Andries en sy ouma is op pad terug Aarde toe, wanneer hulle 'n verstekeling in die ruimtetuig opspoor... Wanneer hulle dan per ongeluk van koers af gaan en op die planeet Gliese neerstort, moet Meelon hulle kom help. Maar nou is daar nie meer genoeg brandstof om hulle terug op die Aarde te kry nie...

Operasie Gebakte Pere

Lizel Ferreira — Mon, 23 Jan 2017 11:39:11 +0000

Tiano se ma is 'n sepie-ster, en sy pa 'n beroemde sjef. Die paparazzi volg hulle oral. So toe Tiano se liefdadigheidsprojek, OPERASIE GEBAKTE PERE, skeefloop en 'n klomp mense siek maak, weet hy sommer die storie gaan die voorblad haal. Behalwe as hy dit kan keer... In 'n desperate poging om sy fout reg te stel, probeer Tiano en Oom Sampie, die restaurant se kok, om die geheime bestanddeel op te spoor. Maar dis nie so maklik as 'n nuuskierige joernalis met 'n kamera jou oral volg nie! OPERASIE GEBAKTE PERE is 'n lekkerlees, moderne jeugboek uit die pen van Anna Emm se nuutste skrywer, Hettie du Plessis. Illustrasies deur E. Lanie.

Kies jou eie Avontuur – Nag van die seerowers

Lizel Ferreira — Mon, 23 Jan 2017 11:12:18 +0000

Hierdie boeke is nie soos ander boeke wat jy al gelees het nie... Jy kan dit nie van voor tot agter deurlees nie. Elke boek is vol raaisels en geheime, ompaaie en doodloopstrate ... en jy, die leser, moet jou pad daardeur vind! Daar is meer as 40 verskillende eindes, en meer as 95 keuses wat jy moet maak. Jy kan oor en oor na die begin terugblaai en weer begin. Maar wees gewaarsku. Die avontuur is gevaarlik! Kies versigtig... Nag van die seerowers: Wanneer jy en jou sussie, Nadia, na die hawe gaan om julle oom en tannie op 'n luukse passsasierskip af te sien, vermoed julle onraad. Die skip behoort aan 'n gevaarlike seerower, Jack die wreedaard, en hy is van plan om die gaste aan boord te beroof! Jy en Nadia moet hom keer, en die gaste betyds waarsku. Maar wie sal julle glo?

Brul!

Lizel Ferreira — Thu, 01 Dec 2016 17:15:53 +0000

Mac en Sasha kamp saam met hulle ouers in 'n wildpark in die Bosveld. Maar iets vreemds is aan die gang... Waarheen verdwyn al die blikkies groen koeldrank so geheimsinnig? Wanneer Mac en Sasha besluit om ondersoek in te stel, krap hulle 'n baie gróter storie oop... Een wat 'n ondergrondse tonnel, twee eienaardige wilddiewe en regte egte leeus insluit! En dan is daar die vreemde groen konkoksie wat jou stem kan verander, wat jou soos 'n regte leeu kan laat BRUL...!

Kaptein Ressiv

Lizel Ferreira — Wed, 30 Nov 2016 12:07:25 +0000

Wanneer Liam saam met sy ouers langs die Vaaldam vakansie hou, ontmoet hy die eienaardige Kaptein Ressiv, 'n wannabe-seerower wat met sy skuit op die dam rondvaar. Niemand steur hulle aan Kaptein Ressiv se stories nie. Almal vermoed hy het nie al sy varkies bymekaar nie... Maar dan beland Liam op 'n dag saam met die kaptein in 'n vreemde maalkolk in die middel van die Vaaldam, en toe hulle anderkant uitkom, wag daar seerowers - règte seerowers! En die spulletjie is glad nie vriendelik nie...

Kondensmelk

Lizel Ferreira — Fri, 14 Oct 2016 14:17:02 +0000

Superhipermega-aaklig. Dis hoe Elle voel oor die vakansie wat voorlê. En daar is 'n paar baie goeie redes waarom sy so voel: Beskaafde mense hou nie vakansie in 'n tent in die diepste bosse van Botswana nie. Sy mis haar twee beste vriende, Estelle en Chanelle, en die winkels en partytjies in die stad. Zero selfoonontvangs. Die familie en haar pa en ma se universiteitsvriende, die Mosterts, kom sak en pak saam. Die Mosterts se twee irriterende, beterweterige, chauvinistiese, kondensmelkdrinkende seuns, Divan en Alex. Twee dorpsjapies. Twee koshuisbrakke. Wat haar boonop ignoreer. Vir haar, Elle-Belle. Geen normale ou met gesonde hormone het haar nog ooit geïgnoreer nie. Maar in die bosse van Botswana ontdek Elle boonop 'n nare geheim oor haar ouers ... en teen wil en dank moet sy die twee seuns beter leer ken.